tg-me.com/laeileialanin2/2974
Last Update:
▪️راعي السفاره▪️
في مقتل سفير الحسين عليه السلام
طور راعي الشيم
حدي
راعي السفاره الهاشمي
ارعب عدوه ابصولته
صاحت العسكر من هجم حيدر طلع من حفرته
—————-
للكوفه من طب البطل
مسلم ياراعي المرجله
ارعب حكومات الدعي
وراواها نجم الگايله
وحده وعليه صفوا صفوف
اغريّب ولا يمه هله
صف الجنود ويطلبه
واعلن هدايا لقاتله
راعي الشيم عمه علي
جيوش الكفر ماهزته
راعي السفاره الهاشمي
ارعب عدوه ابصولته
———————-
وين الكتايب والمدد
وين الجيوش النادته
باشوارع الكوفه وحيد
منهو يرد الغربته
ضامي ويصد المن يريد
ماي ويروي مهجته
احبابه نامت بالسجون
وكل العشاير نكرته
ياويلي وشحال العزيز
والمن يصد ابوحدته
راعي السفاره الهاشمي
ارعب عدوه ابصولته
——————-
واقف على بابج غريب
ياطوعه والعندج وصل
ضامي ياطوعه شرّبيه
ضيف وعلى دارج دخل
شوفي علي من تنظريه
عمه وعلى نهجه البطل
كِرمي العزيز المايذل
وعد عمه مايضيع العمل
ياطوعه ضيفج ضيفيه
وردي ياحره حيرته
——————
وحده ولعب بيهم لعب
وجيوش اميه اتحيرت
سل سيفه واعليهم هجم
وروس الجيوش اتطايرت
صوّل وصولاته البطل
اگلوب الاعادي فطرت
صاحت ياستار وجفت
حيدر علي جنها انظرت
حيدر وصوّل عالعدا
سيفه ويمينه وشمرته
—————
لكن يا وسفه الهاشمي
اتأسر ابسيف الغدر
يوصي ببن عمه ويقول
للكوفه خبروه لا ايْحضر
ذبحوه ظامي وماارتوى
وشمروه من فوگ القصر
بشْوارع الكوفه الجسد
گوم الاعادي له تجر
بالدمعه والينه نعاه
واعليه حزن جر حسرته
————
تمت بحمد الله تعالى
بقلم:بنت الشمري
BY ليالي الأنين الثانية
Warning: Undefined variable $i in /var/www/tg-me/post.php on line 283
Share with your friend now:
tg-me.com/laeileialanin2/2974